გიორგი სიჭინავა-უჩქიმეთ

აკისერ დო მუმულიშ
ჸიონუას ურჩქილექ,
დისერჷდა, მუ ფქიმინა,
კინ გოთანდჷ უჩქიმეთ.

ჸუდეშ ჭიჭე ოსინთეშე,
მუნაფილ ცას უჯინექ,
თენა ხოლო ვამონარღ-
გობჟათჷნცჷ უჩქიმეთ.

ფირქეფი დო არზეფით
ჭკუას ტყურათ მუქინე,
ქარ-ბორიას ჟინი ორთა
დარჩქალუანც უჩქიმეთ.

რინა მითინც ვაუკითხირ-
უკითხირო გოფრჩქინექ,
ღურა ხოლო სოდგარენ
გინომჭყვიდეს უჩქიმეთ.

მათ ქდომტეს ოქიმნალ,
ჭიე-ჭიე მუდგარენი.. ..
ყებურც დაჩხირი ქოშქირტჷდა
შური ოკო უმბარენი.