24/04/2010

კოტე ნაჭყებია-წყურგილი დო მა



წყურგილ მუში მაწკონდასუ
გიქვაქვალუ ღორაშ პის,
დიხაშ გურშე ეშმაწკანტუნს,
თექიან ამბეშ ღორაფის.
გითიოხორცქ, გაკიონტუ,
ქუას თიში ნაკარკალა,
ოროფაში დღანო ინტუ
წყარვარჩხილი ნაკვაკვალა.
წუწელ წყარიშ მუნაშინა
მა მარჩქილე ხვათახვალე,
ბშოლუნს ჩილამურიშ ჭვიმა,
რღვაფილ ჭვეთიშ გუნაჭვალა.
ჭკვერულემს მირაგადუ
ხოლო მოკოდ დოსქილადა,-
ბირგულს შორიშ შარა მარდუ,
გეგნობჭყვიდი მოზილატა.
მუსხი მაფუ როხი ოლჷ,
ონდღულაფარ ზღვა დო გვალა,
ირიფელი მოხიოლუ,
შურდგუმილი გილვონქვალა. 

ლაშა გვასალია-ფხოსარე დო ბჟას ვონჭუქ

  ჩქიმ ხოსარს მუ ოხვარ გურჭუელო ერჩქინელს, უჭარ ლერსიშ ოფუტეს მუნაფეფშა მერჩქინელს... "ძია ბძირ დო კაკა ბძირ" აგოთანაშ ეზმოჯეს, ბო...