ზაურ გერგედავა-უჩა გვერი

ზაალ ჯალაღონია-ბორკმოლაფირი

მარგალ მოგენც ამდღა,
ბორკმოლაფირ ქვინჯეს,
მუშ ვაპალუ ანჯა,
დუდიშ ვერგუ მინჯეთ.
ნანაშ ნინა ვაკო,
წუმოკინა, ძინა.
მუს მოუღანც,ვამიჩქ,
ხეჭკურელო ჯინა.

თიზმა მილუჭკომეს,
შხან,კოლო დო ხინა,
გაჭყოლიდეს იშო,
მუშ გემუან ნინა,
მუ ღოლუას ჩქჷჩქჷქ
ბოშ,ბაღანა,ცირაქ,
,,ვემედინა სქუა
ვაწეჷონა ნინა,''
ურაგად მასქერჲ,
თის შუ ეკნაჩინა.

მუთუნ ვაუღჷ დორხველჲ,
მუჭო გოკო სქუა
ხვამელ რდას დო ირდას,
გაქთოუჭკირ ყორყელჲ,
დიდას ჸვილუნცჷ, დიდას!