ავრე - ქვიშონა, ევრე - ნიშონი...
ქომწი, მეულა ღალეფჲ
მიშონი?
შორიშე ტანშა მაფ გჷნაფილი, -
მახუნჯია რე დოსქჷრაფილი;
ჯოღორჲ ვალალჷნს
ოჯოღორეშე,
წყარჲ ვეგიოწენს წისქვილს
ღორეშე.
ვართი ნათილჲ რჩქჷ, ვართი
პირსელი,
რეფჲ დო გუდა რე
აკონირსელი.
მუთუნჲ ვარენო შურო
ერწყარი,
ბგორი, ვაბძირი დო
ვედებწყნარი...
მოწურეს, - მუჭოთ კუნოშჲ
გინდელი,
რეჩხიშჲ ტობას რე
ენოშქვიდელი.
მუთუნჲ ვამსხუნუ თომიშჲ
ხონარშა
დო გოპიორელჲ ლეკუხონაშა...
ვეშემლებ, ნარტით ვარა
ვაგლებშე
ჟირთომშქაშე დო ოყორანეშე;
ნარტით ირ თუთას დო ირ
მარუას
ნაჯიხურიშჲ ტყა მოდიარუანს.
დიო ვეკომდვალ ლერსით
ნოჸორი,
გურს მიტჷბუანს
ფართონოხორი.
- თი გურჲ ჸოროფათ ოკო
იოფშე, -
მიზუკოლჷნა საბერიოშე...
დო საბერიოშჲ იკულჲ
მუთუნი
ვაბძირი, გვალო მა
მოკუთნუნი...
