ალიო ქობალია-გალენიში

უჩა ზღვასუ ამუსერი
მურიცხეფი ქინოცენს
ქიგვაყუნუქ საროტემს,
თუთა მართუშ ნამოსერს.

ზღვაში მაფა გონირსელი
უფაჩუანს მუარემს,
მირე ალმოფურცქინანს,
სოფელიში მუორეს?..

აქ მუთუნსუ ეკვაჭუქდა,
ვარჩხილჯგუა სქუალემს,
ჩილამურით გომბონუნა
ბრელშა ტახილ ფსუალემს.


ასე ვარა მუნულუანქ,
ორუმეს დო ორომეს,
მუაჩქიმით ქიგლაბარჯგანს,
თუთაშ ქართა-დოხორეს.


1.საროტი-ბილიკი