სოსო კაკუბავა-ემხვარიშ ნოხორი

ჯოღორ ლალჷნდ, ფურკ ეურდ
მიკიკაკჷდ ჯალეფს კჷდ
ჷდო ემხვარიშ ნოხორისჷ
ბორია გილეპოტიკჷდჷ.


ბჟა ეურდ დო ილუურდჷ
ობზაკალეს ზესქვ კუთანდჷ,
ამდღა თაშირდ, ჭუმან თეშ,
დღა გინძე რდჷნ, სერ კუნტა რდჷ.


ნუზუშ მანგო, ოქუმ-წყარც,
ბოგათ ჭყონიშ ჯა გოძჷდ,
გალე თჷნდჷნ, ჩქინ ბუხარსჷ
დაჩხირ მითობორბონჯჷდჷ.


აფუნც პეულს გატვიტვანდჷ,
სიორს ჸუმურს მუს უხარდ
დო დამორჩილს მარდუალ
დიხაშ ლებიშ შურ უნთხანდჷ.


ჯოღორ ლალჷნდ,ფურკ ეურდ,
ჟამს ბრელ მუთუნ ულამუდ,
დო ემხვარიშ ნოხორისჷ,
ბორია გილეპოტიკჷდჷ.