მისხუნ ფარფალია ვორდე,
სუას უფათქუანდე,ხარხუნტია პეულეფს,
შურსუ გინვორთუანდე.
კაკაბია ცჷმს ბშუნდე დო
გურშა იბკოკობანდე,
მასკვამია მოკო ვორდე,
ატამაშ პირს მობგენდე.
სითჷ სუა ქორჩანუას
ხურჭკუმი დო ფორონჯი,
ვაგორჩუდას მაჭირხოლი,
ქილორი დო ტორონჯი.
ოციმუეს ღალიშ პის,
წყუ ორთჷდას ხჷრჩჷსი
ჩქით გიბქვეთათ, გიბკვერწათ,
ქუას თიში ნარჩხჷსი.
ართიანს გევაფარფალათ,
შამარაში ხოლოს,
უთანთალუას ჩხორიაქ
სუალეფიშ ოროს.
მინშა ქიგლაფართხუდენი
ვარდიშ ჭითა პიორს,
მათი გუგახურთქინუდე
მივოტენდე ფიორს.
ხუტიათჷ ხურხეფი დო
მეფათქჷდას სუეფი,
ორთეს გამწათ ოჭჷდას
ჩქინ ჸოროფაშ ჭუეფი.
ბჟა ქვერსემი დარანა,
ოდო ირო თაშო ვორდათ
რახან ვამივარანა.
No comments:
Post a Comment