ცას მუნაფა ელასხუპ,
მუნაფაშ გურს ზღვარზღვალანს,
გვალას რცხიმალ ცხიმურეფს
ჭვემა ელასხარსხალანს.
იკიონტუ ტყაშმაფა
უგამაგათ, არგამათ,
ელაჯინე მუნაფას,
იშოლუ დო რაჸვალანს.
მიკახორცქუ ჯაშე ჯას,
იშო -გვალას, აშო- ტყას,
ვაუტორხუ დუდს ვარა,
გურს გოლოფა ობარბანჯ.
ახავაია, თიშ ცოდა,
ქუფაფუაფ ჸოროფას,
მუზმა სერ დო გოთანას
იწირღოლ დო იწანწალ.
ნაჸოროფას ივარანს,
ნაჭვემურსჷ ჭაბაკანს,
ელაჯინე მუნაფას
მინ უკურთხანს, მინ ხვამანს.
გურს ნაბარბანჯ გოლოფას
ქოუფალუ გვიმარას,
სო ატყობუდ ჸოროფას,
ნამუ გვალას, ნამუ ტყას.
იკიონტუ ტყაშ მაფა,
გილეფაფუ არგამათ,
ტყურათ ირჯებ დო გორუნს
ოლაფარეს ჸოროფაშ.
ცას მუნაფა ელასხუპ,
ჭვემა მუშის სხარსხალანს,
ობარბანჯუ მაფაშ გურს,
იძიცანსჷ გვიმარა.
მუნაფაშ გურს ზღვარზღვალანს,
გვალას რცხიმალ ცხიმურეფს
ჭვემა ელასხარსხალანს.
იკიონტუ ტყაშმაფა
უგამაგათ, არგამათ,
ელაჯინე მუნაფას,
იშოლუ დო რაჸვალანს.
მიკახორცქუ ჯაშე ჯას,
იშო -გვალას, აშო- ტყას,
ვაუტორხუ დუდს ვარა,
გურს გოლოფა ობარბანჯ.
ახავაია, თიშ ცოდა,
ქუფაფუაფ ჸოროფას,
მუზმა სერ დო გოთანას
იწირღოლ დო იწანწალ.
ნაჸოროფას ივარანს,
ნაჭვემურსჷ ჭაბაკანს,
ელაჯინე მუნაფას
მინ უკურთხანს, მინ ხვამანს.
გურს ნაბარბანჯ გოლოფას
ქოუფალუ გვიმარას,
სო ატყობუდ ჸოროფას,
ნამუ გვალას, ნამუ ტყას.
იკიონტუ ტყაშ მაფა,
გილეფაფუ არგამათ,
ტყურათ ირჯებ დო გორუნს
ოლაფარეს ჸოროფაშ.
ცას მუნაფა ელასხუპ,
ჭვემა მუშის სხარსხალანს,
ობარბანჯუ მაფაშ გურს,
იძიცანსჷ გვიმარა.
No comments:
Post a Comment