პროკოფი ხარჩილავა-თუთაშფერჲ თუთაშხას

გიმასიზმარ ღორონთისჷ
ცაშე გიმულებუდ თუდო,
 ტანც მუნაფა მუკაქუნდუ
დუც ბჟა გიორთუდუ ქუდო.
ვარჩხილიში ფსუაცალო 
მუკობუდუ თუთა ცასჷ
დო თანდუდუ თუთაშფერო
ეთი თოისერ თუთაშხასჷ.
ანგელოზეფ მოურდესი
ღორონთიში მაჸვენჯეფო
დო თინეფიშჲ სქუალეფი
თე ქიანაშ მარენჯეფო.
გილეშესი იშო-აშო,
ცა იბირდჷ, ბჟა იბირდჷ,
დო კოც მითინ ვაცილჷდ,
ვართ ნახანდის მიოხირდჷ.
თხა დო გერი ართო გერდჷ,
მითინჲ ვარწყედ უჩა დღასჷ...
მურგარენი სარკო ორდუ
თი თუთაშფერჲ თუთაშხასჷ.