ივეტა წითაშვილი- ნდოლო აკუღალუ ჟვერეფს

ნდოლო აკუღალუ ჟვერეფს,
ფუთქურს მოულებუ ქანა,
ცასი ქუგონწკირუ მერეხ,
გვალას ქუფორუაფ ჩხანა,
ჭირხინუნა ურა ცხენეფ,
ჰავა ქეშანჯირე ჸვანას,
რინა ჸoფე ერენწ-მერენწ,
ჭყანას დალიებუ ჭყანა,
გურსუ ჭუა მიღუ ქვერსემ,
დობშულადექ ხვალე ღალას,
მეხორცქ ჭარა ეჭელ-მეჭელ,
მედინაფუ შარას შარა,
მეტ ვეშემლებ-
უღელ-მეღელ,
ნდოლო ჟვერელ,
ცა მერეხელ,
ჭარა მეჭელ,
ერენწ-მერენწ,
ფუთქურ ჭერჭე
გიმე,ეკე,
გეთუ...
ველნე!...
გამწუსოფნა ურა ცხენეფს,
ურაჸუნა ჭუა ტყაშა,
დღა რე მერეთ,-
იქაქალუ ჰავა ჸვანას...
ქიდიჭყ შარაქ...