ჩე დო რუმე,
დღა დო სერი
მუთ რე, მურე.
თე ქიანა მუს გართუ დო
თუთას მურიცხ
მუს აწურე.
წყარი სორე მიხვარჩალ დო
ჯალეფს ფურცელ
მუშენ უცენს.
შური სორე მიცხვანტალუ
ღურა რინას მუს უდღანუ.
მულა ხიოლ მუშენ რე დო
ულა გურსუ მუშენ აჭუ.
ვალი გურგინს მუს უვალუნს,
ჭვემა ცას კისერს მუს ასკუ.
შარა თეზმას სო მეურს დო
დიხას წკვერემ სიოშა ანწყუ.
ძგვიბალ ზისნახეს მუს მეთხოზ
კისერს სო მიკიტახანსი,
ჭარა თეზმას მუს ჭარუნს დო
ჭარკანტ თაში მუს იშხანსი.
თე ქიანა სო მინჭუაფ,
მინ წუხენს, მინ იძიცანსი,
თაში რინა მის უთქუალ,
ირფელ თაში მუს ირთანსი…
ამდღა, ჭუმე
ჩე დო რუმე,
დღა დო სერი,
მურე, მუთ რე,
თე ქიანა კინ ირთუ დო
თუთას მურიცხ კინ აწურე.
No comments:
Post a Comment