ივეტა წითაშვილი-ნუზუ

ნუზუ მუჭო ურზუ,
ქარბორიას უთურს,
მიჸორქია უწუ, _ 
სხუნუნს,
სხუნუნს,
სხუნუნს...
ჯღარ ნოჸელეფ ქუდურღ,
ჸალს ათასკუ, ჯუნუნს,
ანდა ფირქიქ ქუცუ, _
უკულ,
უკულ,
უკულ...
ცას ჭვემა მაბ პუხუს,
მუთ ვარდ ართათ ქუმურს,
ხიოლს გური ჸურუ,
ფულუნს,
ფულუნს,
ფულუნს,
ორაგადე მუთ რდუ
ვარაგადე მუთუნს,
ცაქ ბჟას ჩხორეფ რზუფულ,
ქუმწურღ,
ქუმწურღ,
ქუმწურღ,
ჸოროფა რე ჭურჭულ
უთებუ დო ჸურმულ,
ურა ცხენეფს შურშურ
ურულ,
ურულ,
ურულ,
ქარბორია უთურ,
მიკახორცხუ ნუზუს,
ნუზუ თაში ურზუ,
უსხუნ,
უსხუნ,
უსხუნ...