28/08/2013

ლაშა გვასალია-ლიმა დო რინა...

ბუძგურიას გუმორთანსუ, ბათა,
ძუძუეფიშ უმუდირაკ ორო,
ზღვინდალ ტანიშ სიორია გვართა
გიმანთხუმუ ცანცალიში წორო...

ნჭილაფა დო მახუალი ხუმა
ტუჩეფიში ჭაბუია ნირსი,
მორგინუანდ შულადაშა ღუმა
მახანგენდ ლიმაფა დო ნირზი...

ვადოპილა სირჩინუე ჭკოლა,
ვამშკირიტა დაჩხერი დო ცხვიცხვი,
ქომხანგე დო მუდგას გოკო ბღოლა,
მემჭე ცაშა უღურალაშ რიცხვი...

ქუგომჩანე ცურ–ცურია ართო,
ქომცხვანტალე შურღუა დო ხვინჭი,
ქინმოკირი მართაია – მართუს,
ვამდინუა ოროფაში ნიჭი...

უვაიჭარე სირჩინუე ძაღვა,
სქან ხირთინა, ქიონია სერი,
გეგნოფთირე რინაშა დო ლიმათ –
იბკილოთუქ კიბირ–ჭველა გერი!..

ვაორანსუ ოროფასი ნატრი,
მუ აღოლე სქან სქიბუშა ოროს,
ზღვინდაია, ციორია ცირა,
ქიგმანთხუმუქ ცანცალიში წორო!..

No comments:

Post a comment

ზაალ ჯალაღონია-ჭიჭე ვორდინი

ჭიჭე ვორდინი, მინდორ დო ვე მოჭიჭარუდ. მაჭირხოლი ეშმებირანდ ჩქიმ უგუწყანე სირჩქალეშე. ასე თირელ ვორექ დო მაჭირხოლს ხოლო ვარჩქილე ჩქიმ სიჭითარ...