ჭარა რე ჭუა,
ეკოლერსელი ხურხის დო თოლეფს,
მუ ოხვარ თხუმუს ამაონილ
არიკეფს ჭკოლეფს,
გობონდღილ სერით
ჩე თუთა დო მურიცხეფ მოცოდჷ,
მიდამონ ტყაშა,
ვარდა სკანდა, ოჯინშა სო ბჩოდჷ?
ქუმოძირი შკურინი
ბაღანობაშ არიკით ნარდი,
თაში ბშუ – სისმარსჷ
მაფაწკუმა ვებირდ დო ვარდი,
მუჟამსით "ჩელასი"
გეღირღინუნდუ ჯვაბარა სქიბუ,
ვოკვირუქ – ჭარა თიმწკმა მიძირ,
უფარეთი ბშიბუ...
ჭუარე ყებურს დახუნკებულ
წანეფით ჭვალი,
ვამოკო მუთუნ, გინმოგაფე
ჸოროფაშ ვალი,
უკულ მა მიჩქ მუ ბირეფით
დოურთე ურთას,
ნამუსით ასე ცა დო დიხა
აფუნით ურთანს...
მუ ოხვარ თხუმუს ამაონილ
არიკეფს ყალეფს?!