ცაშმოკონი კარკუნტია
მუნაფათი გვიგვილერი,
ფიჟვ მასქურით გომბარილი,
ნირსიშ ომპათ გორინელი...
ცია რექდა, ცია ორდა,
ჩხორო თოლით კიბირელი,
გურშე ხვამათ ეშულირი,
წვალებათ კიბირელი...
უღორონთე ქიანასი,
შურიშ ჭარათ მეზიმილი,
რინაშ ბირათ ერჩქინელი
ბორჯიშ შუფის გეზვინილი...
ცაშმოკონი ცარე კუნტა
სერ– წკურუმიშ ოტყობინჯე,
ნჭყოლირ შურიშ მახვილარი,
მაბონალ დო თელო მინჯე...
ცაშმოკონი შურ–ბორია,
კორკონტებშა ჭურინელი,
ჩხონაფა დო ხვამა შკას –
ეფუნელ დო გურგინელი...
ცაშმოკონი – შურიშ ომპა –
ათასნერო კარკუნტელი!..
No comments:
Post a Comment