დღაშიშ სინთეს სერ მოუძჷ
უკუმელას - ოჭმარე,
თუთა ჩხანაშ და რენ დო
ღურა რინაშ ჯიმა რე.
გოკოდასუნ, იშენით,
ვეიშურსგ დო ვათქუა -
საბოლოოთ გურშენო
ჭუაშ გიშაფართხუა.
არიკი რე ცხოვრება,
კანკანეშა გურს უჩა, -
ჯგირით რენ დო ფურით რე,
ქოთ ჩე რენ დო ქოთ უჩა!
კოჩიშ შური ეფშა რე
ქოთ ხიოლით, ქოთ ჭუათ.
იშენ ტიბ რე, თე ოხერ, -
მართალ ოკო ქოფთქუათ!
დღაშიშ სინთეს სერ მოუძგ,
სერს - ჩხოროთოლ ოჭმარე,
დობღური და ვენგარათ, -
ღურა რინაში ჯიმა რე.
No comments:
Post a Comment