27/10/2013

ლაშა გვასალია-ღურა ლექინ ორდასუნი გოლუა...

ლერს ალაგ ყამაცალო
ცაშ ორჩხესი,
ღურშა მითინს 
ვამარინე ლიკვითი,
დღალეფქ რინას
იმენდეფი გელურჩხეს
თოლს მეუნთირ 
ოშურეთი ძიკვითი...

გეშაწირე უჭარაფუ
ხიოლი,
გოლვაფირო, ხვამაშ გეშა
გეფსქიდი...
ტვინს მირთანს
მუნაფილი რსიოლი...
ჩხვირალ ჩხვიჩხვო
ოროფათი დოფსქიდი...

ღურა ლექინ ორდასუნი,
გოლუა,
ღორონთეფი ღურუდესი 
წოხოლე,
რინა ოფე ჭველ დღალეფიშ
ლოლუა,
თეშენ ცაშა მუნაფათუ
ვეხოლე!..

ლერსშა მემიდგ
ოროფა დო თელარა,
ცას მეხიბილ
ჭყონჭყოშიაშ ჭველარა...
შურ კიროკილ თუმაცალო
თუთელი,
დღალეფ ბირაშ ბირგულებით
ბურთელი!..

ღურა ლექინ ორდასუნი
გოლუა,
ღორონთეფი ინჭანდესუ
წოხოლე!..


1.ლექინი-მსუბუქი,იოლი.
2.კიროკილი-ხუჭუჭა

No comments:

Post a Comment

ლაშა გვასალია-ფხოსარე დო ბჟას ვონჭუქ

  ჩქიმ ხოსარს მუ ოხვარ გურჭუელო ერჩქინელს, უჭარ ლერსიშ ოფუტეს მუნაფეფშა მერჩქინელს... "ძია ბძირ დო კაკა ბძირ" აგოთანაშ ეზმოჯეს, ბო...