31/08/2012

თენგიზ ფეტელავა-ჟინ ბორია ირქენდ

ღუმა მემიჩქ ჟინ ბორია ირქენდ,
პეულეფი დუღიმინწუ გვალო,
შულადირც ლური რინას მირკენდ,
ვართ სისმარეფ მოხოლუდუ ჭვალო,
სოვრე გეიძ ჟინბორია,შარა,
მემბარენი პეულ ვორექ ფალო.
ქუდმოგურე ჰავა სქანი ნინა,
მათჷ მოკო აშო ვადორთინა.

30/08/2012

თენგიზ ფეტელავა-მეფურკე

შულადირი ზისხირიშე გეიფალუ,
სქანი ცასუ ბჟა დო თუთა ვემიპალუ,
მახურჭოლც მუზმა გოკონ ურგინე,
ელეხიშე დღაში გეგნიგურგინე.
მარქვალს რჩინდუნ გაბათქალუ თი გური,
მითაჟამშე ამდღარშაღი მიუნინ,
ენაცვათ შური მუჭოთ კოჭობის,
მეფურკე რე სქან ნტერეფიშ გოჭოფილც.
ქიგიფშინა ჟირანთასიშ გეთებას,
გაცხადებას-ქრისტეშ შურიშ ერკებას,
მარა თეშო მითინ ვარე მუთუნი,
კინ სქან სქუა რინა კარც გითულირ,
აფხაზაქ მარგალს ყებურ გომირგილუ,
ეკოხუნა ნტერალათუ გომითირუ,
ბონდოიაშ მაჭყიშარო ვარა ქირგი,
საწიმოთოთ ჭუჭელია ვარა დირგი,
შულადირი ზისხირიშე გეიფალუ,
სქანი ცასუ ბჟა დო თუთა ვემიპალუ.

ლაშა გვასალია-ფხოსარე დო ბჟას ვონჭუქ

  ჩქიმ ხოსარს მუ ოხვარ გურჭუელო ერჩქინელს, უჭარ ლერსიშ ოფუტეს მუნაფეფშა მერჩქინელს... "ძია ბძირ დო კაკა ბძირ" აგოთანაშ ეზმოჯეს, ბო...