22/07/2010

ირაკლი კაჭარავა-თეშ გურჩქინუქ

თეშ გურჩქინუქ სქან ბედის
მოჭყუდცალო ოსვისვინა.
თირამ გვალა მუნგორე დო
გურს მირდუნსუ სქან მეჯინა.
გუმაშინე სქან კირდე რზენს
კერკელი დო აშანჯირა,
ბაწკარიამ ხე დო კუჩხი,
ოკორთეს აშარინა.
ვაგმოჭყორდუ სქან სიტიბა,
ჭიჭელობაშ მენგარაფი,
თოლეფ ჩილამურიშ ეფშას
მოძიცინე მელააფი.
ზღვაშე ბორია გეკორაი,
ბარდშე ქილორ გეიორტინე,
ტყაშე სქვერი გეგშარაი,
მოფერაფე ვამირტინე.
თექ მუთ ქორდუ შურდგუმილი
არძო ართო მა მიჯინე,
თიწკმა ირფელ გუმოჭყორდუ,
უბადო შურს ვაჯინინე,
მიორს სქანი ოჯალონე,
სქანი ფერდი, სქანი რობუ,
მელე-მოლე გოლა გოუნს,
შქას ჩხორო წყუ აშაროუნს.

ლაშა გვასალია-ფხოსარე დო ბჟას ვონჭუქ

  ჩქიმ ხოსარს მუ ოხვარ გურჭუელო ერჩქინელს, უჭარ ლერსიშ ოფუტეს მუნაფეფშა მერჩქინელს... "ძია ბძირ დო კაკა ბძირ" აგოთანაშ ეზმოჯეს, ბო...