ლაშა გახარია-ოდაბადე

ჸა ოჭმარეს ზესქვ გილარხე,
ჸა ონჯუას -მალაღური…
სქან ოსქვებურ ვამათქუნი,
კოჩ თაშ მუჭო ალაბღური?!

ვართ მასქურო ეშმოლ შურქუ,-
ქიგნოირქიე თუმასჸნი:
სქან უჯგუშო მის უჩქ, ცაშა
მუ მეუღუ კუმასჸნი…

ნარღიშ ჸასჷ გილაჸონუნქ
პირსელიში მუმულჯგუა,
გინაიჸია სამარგალოს-
ჯგირობუას უკუჩხუა.

ირიკოჩიშჲ მენძელი რექ,
გოონჯღორუ სუმარუა;
ჭყოლირ გურიშ ლეცერი რექ,
ღურუს ცურუს უვარუა.

ანწ ვარენო ქომკითხენ დო,
ქიგლულ, ქიგლებლანთირუქჷ…
ოშ ქიანა მიბლი, მარა
ნამთინიშა ვამთირუქჷ…