TEMPLATE ERROR: The expression 'data:blog.pageType == == item"' is not valid.

19/04/2016

ლაშა გვასალია-ქუმორთიდო

სი ვარდიკონ, მა მუ მოკოდ თე თუთაშა,
სი ვარდიკონ- ულერსეთი მებდინუდი...
აკმახართუდ ჯერღვეფი დო ჩე თუთაშხას
შურ მოხირილ ჭუაცალო გომთანდუდი...

ქუმორთი დო პეურეფი აკომპირე,
ქენომჭვათე გოთანაშა ფინქრიშ სუნჯი,
ვამორთკონი ნაკილოთა ხუმა მჭვახეთ
ოკმალურსუდ ნაგურგინა ბრელშა ჸუჯი...

თე ქიანა გურიშ ჭუაშ ოტყობინჯე,
უსქანეთი შურიშ ნტერო გინმართუდუ,
მოშკვიდუა ვარიათ დო იშენითჷ
მართუცალო მუკი- მუკი გუმართუქი...

ქოიორქდა ქემუბუნე თოლ ჩხანასი,
ქოიორქდა თუთაშ რსხება ქუმოძირი,
ვაიორქდა ქაშეტყობი მუნაფასჷ,
დო დამთხინე უსკილადჷ თართილ ჭირი...

სი ვარდიკონ, მა მუ მოკოდ სისმარეფშა,
სი ვარდიკონ, რინა ხოლო მუთ მოკოდჷ!..

18/04/2016

ლაშა გვასალია-ბჟაქ მოზოჯ


ოფუჩაფალს, ოხვამალსი-
გურს ბირათ გიოჭალს,
ონირზებელს ორთაშ რთაშა
ოვილარს დო გიოჭყალს...

ართ სი პუნქ დო მიღირუქ
სიცორცხლე დო ჸოფუაშა,
ქუმოჯინე, თოლიკაკა,
ტორონჯეფიშ ჭოფუაშა...

ბჟაქ მოზოჯჷ თოთო დღასი
ცა- ოჭმარეთ მუნორთელი,
კარკატელი შორ შარეფი -
ონჭეშ ლარტყათ გინორთელი...

მუ ოხვარჷ ცა ხვილირსი
მაფატიაშ დარინალსი,
ოხვამესი მეტებულსი
ეშმაკეფიში გარინალსი...

მუ ოხვარუ, მუ ოხვარუ,
მუ ოხვარუ ქიანასი!..

07/04/2016

ვახტანგ ხარჩილავა-ნანა მუჭო მოდირკი,

ნანა მუჭო მოდირკი,
ქიანა რე პოტიკი,
ჩიჩიეფიშ,ჩაჩანეფიშ, ჩათლახეფიშ
ჰოლდინგი!

17/03/2016

ლაშა გვასალია-17 ჯაბი

ღორონთიშ ფურცქინუათ ალმასიმე, მახა,
სქანი შურიშე ეკნაღელი რაგადეფიში სიორი,
სქან უტომბაშ ანზრეფის სანთელუა
ცანცალერო ჟი ულირ, მინშა ჟუჟელერ,
ეცანდილ დო კვათიერი, ნირსიშ ჯღარო მაქიტალი,
ეფუნელ დო ხვარხვალერი...
ო, ჩქიმ მახა, მუჭო ბჩალუნს თანაფეფიშ უკმელუა,
გოჭითორელ ბორუეფი, ასე ხოლო დოვილნა
ღორონს დო მუმასინ ფერეფ...
იჭინგოლნა, სხარსხალა ეშმაკის ნინაცალო!
მიჩვაჩვალნა უჩხვინდე დო ყ-ვა ლანდღვილი
რსიოლეფი, უოჭიშე ბეძღერია ქომოლეფიშ
მენდო დო მიულაფუანა თოლუმუნტირ ჩხეშას...
აკილანდღუ ართდღას ირფელ დო აკიბლასუთ
ჩქით, ზორღა ქალერჩხუანს გიდალ ქვარაშა
თე ზესნახე პეულებს დო ყ-უმურეფიშ დალიეფს!
ვო მახა, ვო, მარდობუაშ მონწე, ათეს ირფელს ჩქიმცალო
ქარწყექ დო ქითმენქიდა დოშკირატექ სი სანგარო,
აკორღვაფექ სი სარალო, ქასკილად შურწულირეფს
შურობუმუშ მინდორეფი, გვალეფი დო ხარხუნტეფი...
გოკურცხ, მახა, შურო ქოიკინდდა, გობარჩხალე ართშა,
კოჩიში გახარებას აკაბურცხა ოკო, იმენდუა ხოლო ოხვარ
დო დუთხინუანს ოშურეთშე მოსოფილ კვიკვილეფს!..
ქაძირ, მახა, საგანოს სკან ჟინცაშა მებუნელ ძიცა...
ხორციშ დოპიჩუა გახვარდას შურსი, ფსუა მაიდეს
ჩანაფილი, მონწე-მონწეთ ოფურნალო.
მაულარეფ ვორეთ თევრე, თი ქიანაშა, ე, სარალო,
ჩქი მი დომტენა, შხავა მი დოსქილადე სამარდოთ?
თინა რე, მახა, ოკითხე დო გაგებელი - თაქ ქომჩქუნა დო
თექ მუ ღირ რინა ოშურეთის, მინჯელო დო უმინჯურო?
მუთუნ ჩქი ვამჩქუნა დო ვამარჩქილენა, დუდიშ მაჭყალ დო
უთოლქვინჯეთ გილმარულე მარგალემფს!...
ვო მახა, ვო, უშურობაშ მესანთელე დემკოჩი!..

25/02/2016

კოტე ნაჭყებია-ანდანერი ლახარა

უღელე დო მეღელეჷ ჩქიმჷ რინა,
ქოთ ეკოხონ, ქოთ დიკოხონჷ, ქოთ ოჭმარე,
გოკოდასუნჷ, სქანჷ კუსაფის მი ირჩქილე,
...
მინ ბორო რე, მინ ხანგა რე, მინ კოჩ ვარე.
ჟინ ანთარიშ ჩილამურით გოჸვაჸვილი
ხვათახვალე ჯიმა მაფუ ოდიარე,
მითაჟამიშ ჭუაშ-ჭუას მიგინანსჷ,
ჩქიმ შურიში მანათალი მორდია რე.
ხეს სანთელსჷ აშმოჭუანს ჩქიმი სქუა,
ნამუშოთი გური მაფუ ნახანდეფი,
მოთალეფით ოშა-გოშათ გომშინანა,
ანგელოზიშ ხვამელ სუათ ნახანტეფი.
მა მერჸიათ სოდგია-სოდგაი გილვოგაგა,
მი მირჩქილე, ვარ მუ ფთქუა ორჩქილარი,
მატყურაფალი ანტკეცი წყარს დონწყველე დო
ჟიშე ჩქიმი მაჭყვადალი მოჩქ ლარი.
საწყალი ჩხომი, პიჯი წყარით აფუ ეფშა,
უწყარეთ შურო მურე ათქუენი,
ართშა ბძირი, ურაგადეთ მუ რდ მიწუნი,
გურშა მუჭომი წყინი ალნობათქუენი.
უჯიმალეთ ქუდოფსქიდი, უჯიმოლქ,
ჰამო ნინას მა მი მუკომწაწუანს,
ხორხოტაშე კონწარ დურღენქ გეშამფალ,
საწმოხონო გოშინაში მაწუალქ.
დონჯირელ ზღვა ცას უღირღინ კან-კანეშა,
სპლიყვი გაძიცანს ცუცქეფიში ნალალასუ,
დიო ართ ტკუ ვემიოხე ბჟადალუშა,
ბჟაშ ულაშა, ვორწყექ სიტყვა მუმალასუ,
უზიტყვეთ ნამ მოლერსე მა იპიქ,
მი ურჩქილე ეკორძღელი ჩქიმ ნინას,
ჭუმენერსი მუშ წურწუფა მოუნჭაფუ,
გუთაჯინე ჩქიმ სვენაშე გინულასუ.
ახავაი, მი იპიკო ოკო, მარა,
კისერს ინწრას მომჭირეს სადიოს,
ბურბუ ჩქიჩქიში ნაბურდღინა მუს გაგენს
ართ ბორჯის ცაში მიმანჭაფუ კანდიორს.
უღელე დო მეღელე რდ ჩქიმი რინა,
ჩქიმ ოჭმარე აწოუნდუ გოთანასუ,
ანწ ვამიჩქუ, მუჭო იი, სოდე იი,
სოიშა ვერტა ახალ თუთაშ მორთალასუ.

08/01/2016

კოტე ნაჭყებია-სო რე?

სო რე ჩქიმი ობინეხე,
ჩქიმ ჭოდი დო ჩქიმ პანეში,
ჭვიტლური დო ჩეჭიფეში,
...
კაჭიჭი დო ოჯალეში.
ჩქიმ შონურ დო ხოჯიშ თოლი,
კოლოში დო ეგუძგური,
ვაი, ბრელი მუ იბჩია
კოს მუთუნშა ვეგუძ გური.
მემაჯინეს თე ონჭეშე
გურშა ბრელ მაფჷ ნახვატეფი,
ბორჯიშ გასჷ ქიგედინე
ჩქიმ ნოა დო მახვატელი.
ჩქიმ ლაგვანი - ჸვაფიჩალი
სუმარეფით ჸუმენული,
მუ ჯვეშეფიშ მუკნაულა
ჸუჩა ჭიფას მინმეულუ.
ჸასჷ ზესქვი ვეგლებირსჷ,,
მაფშალიას ქუფურინჷ,
ზღვადალიშე იაზონსჷ
მანებელო ქუმურინჷ..
მედეასით მუს მოკითხე,
შხვაში კაბას ითირანსჷ,
მუნაფაშე ჩეთი ვარი
მალას ჭითათ მითირანსჷ.
სო გილაფრთა უშარეთჷ,
სონ გერგეზი სო გიფცხირი,
საწმოხონოს ონჭუნ ნერი
ღორონთ სინთე ქუმოძირი.
მუკი-მუკი იბჯინექ დო
გუმაღერღენწ ოშფა დემი,
ღორონთ, რთხულე, ქუმანჯღვერე,
„ჩელაშორო“ ვეშმოთენი.
სო რე ჩქიმი ობინეხე,
ჩქიმ ლაგვანი, ჸვაფიჩალი,
აიეტიშ ჭალეწკუმა
კინე ხინჯ მაფჷ გაბიჯალი.

23/09/2015

ლაშა გვასალია-ამდღარობა

სანთელ შარას ორჩქინანსჷ
შურიშ სინთეთ ენტებულჲ,
წკურუმია მორცქინანს
ბარჩხალიაშ მეტებულ...
...

გატყურია თოლონჭეს
კუმაცალო გართუ შურჲ,
თეზმა ცოდას მუკარჩხალო
მუს ოხვარუ ხვალე შხურჲ?

მუნმარზანს მუნაფასჷ
დაჩხერეფსჷ ჭითა გვერი,
აკორთელე ორთაცალო
მინ ბორო დო მინი ჭკვერი...

გარხვანხვატუ ოფუტესჷ
დღა იმენდეფ დინაფილი,
თეშ მეჯინუს ბაღრეცალო
გური მაფუ შინაფილი...

სანთელ შარას ორჩქინანსჷ
შურიშ სინთეთ ენტებული,
წკურუმია მორცქინანს
უღორონთეთ მეტებული!..


04/09/2015

ლაშა გვასალია-ნარღი

ვაშურდიო, ჯიმა,
უღურ შურიშ ჭუათ,
ვაგობაღნო ლიმა
ტყვიათი დო ქუათჷ...

დღალეფს მეთხოზ დღალეფჷ
ურსხებუო ჯაბით,
დალიებე გვალეფჷ
მუშ ბოშით დო ძღაბით...

მეუნს ჩე დო უჩა,
შურობუმუშ მენდის,
გურს კონ კვარჩხე უჩანქ
ათესი დო ეთის...

იმნატრუა ღურუს,
რინა ორე ნარღი,
აკოწკურილ კილოთ
უნჭაფუო მარღი...

გეგნოფშურდით, ჯიმა,
უსხუნ შურიშ ჭუათ,
გინმოშკვანა ლიმა
ტყვიათი დო ქუათ!..

05/08/2015

კოტე ნაჭყებია-ჭუმანითჷ ამდღა იჭუ,

ჭუმანითჷ ამდღა იჭუ,
ბორზალეფიშჲ ჭუმინი რე,
თუთა სოდგა ალებიჯუ,
თუთა ირო შუმილი რე.
ცაშჲ ხურთქინი ალმარჩქილე,
მურიცხჲ ონჭეს ქვირითანსჷ,
ღურელს ღურუ ვამაჩინე,
ღურუ ღურუთ მინირთანსჷ.
მიდგარენი მიკაკჷნსჷ
სინთელეს ჩქიმჲ ქვინჯესჷ,
ჭყონჲ ელმეღანს სქუა კჷსჷ,
ჭყონქ კჷს ოკო უმინჯასჷ.
მა ჭარაში ჯინას ვორექ,
მურსუ, მურსუ, ვამაგუო?
დჷმაწყორჷ შურიშჲ ნერქჷ,
ალმაბათქჷ ჯა დო ქუა.
გეთმუძინანს მაზაკვალი
ამარდეში ნანწალასჷ,
ჩქიმჲ რულიში მაძაკელა
მოზოჯჷნსჷ ნამ
 წანას?

13/03/2015

ზაალ ჯალაღონია-ჩეჯა



ჩე ჯა ვეგეშქირიტა,
ცას მიარეს-მიორე,
ალნარქია ჩხილიტა
დიხას დოურსიოლე.
ამარ მერეს მიწორე,
ჩე თუთა რე კანთია,
ცაშა დღასჷ ვეწორე,
სო,მის მეუღ სქან თია.
რინა იჭყანს ციზაფის,
თირი გიმოცირანსჸ,
მა ეკვობუქ ჩქიმ ძაფის,
ვარ ღორონთიშ ცირასჷ...

23/02/2015

რუსთავი-2 მესვეურნო,თქვენ სამარცხვინო ხართ!

მეგობრებო. გუშინ ტელეკომპანია რუსთავი-2 ეთერით გავიდა, ავადმოსაგონარი გაზეთი ,,პრავდას'' ყველაზე შავბნელი წლების სტილში გაკეთებული ,,სიუჟეტი', დაკავშირებული მეგრული ენის საკითხებთან. სიუჟეტმა ზერელობის და მდარეპროვოკაციულობის ყველა რეკორდი მოხსნა,მაგრამ ყველაზე ამაზრზენი ის იყო რომ პატარა მეგრელ ბავშვებს, რომელთაც რა თქმა უნდა ჯერ ბევრი არაფერი გაეგებათ,დააცინინეს და აბუჩად ააგდებინეს მშობლიური მეგრული ენა. უნდა ვივარაუდოთ რომ ამ მაიმუნობის ავტორები ხელებს ასავსავებდნენ სიამოვნებისგან. გვინდა პირდაპირ ვუთხრათ მათ - თქვენ ბატონებო ისევე კომპეტენტურები ხართ და ისევე ერკვევით ამ საკითხში, როგორც ღორი ფორთოხალში!

05/02/2015

თორნიკე ქავშბაია-ნანაია


კოლხეთო შეჰბედე სატახტოებს უკადრებელი,
შენს ენაზე შეედავე,
       საბრძოლო ორკესტრის უხილავი
       ბოხი ბგერით დააყრუებს მიდამოს,
       რომელიც თითქოს აწესრიგებს
       მოშრიალედ ხეს,
       მორაკრაკედ წყალს,
       ბალახ მობიბინედ გორაკებს,
       მრავალფერის დალოცვილი
       შენს ანგელოს ერთხელ გამოაჩენს.
კოლხეთო,შე ჩამოხრჩობილო კრავო,
ბიბლიურად სურნელოვანო,
ნაგავის ბუზები გჭამენ,
ვაი ნანა,ვაი ნანაია ნანინა!

26/01/2015

ლაშა გვასალია-ვამდინა ჯიმა

თუთა ენივალ ინჭას,
           იმენდჲ ჭყოლირო ინჭანს,
                       ქიანა ბონდღიე, ჯიმა...

რძღაფაშა გესკიდ კოჩიქ,
                ხამუშა ქიმირულ ოჩიქ,
                            მარსიოლ კოჩანას ჯიმა...

შური ბარბანჩანს დო იგანს,
               დღა სერიშ დინაფას ინგარს,
                              ვაუნა წვალებას ჯიმა...

ვერწყებე წანეფიშ მარდი,
               რგორუნდ დო ოკოჩეს ვარდი,
                               ვამდინა, ვამდინა, ჯიმა!..

22/01/2015

ლაშა გვასალია–საზოთო...

ზოთონჯ მიდიშკოლუ
გურს ონძალ საჩიარ მორღას,
ილებუ სერი
პოპორანს შურობა ზორღას..

გინმალე თუთას
უსინთოლე მუნაფაშ ფერი,
არიკენს სვანჯი,
მიკმაშურდჷ გოთანას გერი...

ვამოხვარ მუთუნ,
თე ჯაბებშა ვანტინე დიხას,
მითომფორ სოდეთ 
ფოსვეფჲ დო გემიდგუ ჯიხა...

ვამარტინ ცაშა,
იბზოთუა წანეფიშ მორღას,
მიშეფაფ ფინქრი
უქვინჯელო ეფუნელ ზორღას!..

24/12/2014

ზაალ ჯალაღონია-უჩინებ მაფურინჯე

რინას ეკი ეკოუნცუ,მინ ტყობუ დო მა პუნქ მინჯე,
ეთინა რე შურც ინომხე,მუდგარენი მაფურინჯე.

ჩქიმით რენ დო ჩქიმით ვარე,ოფირენც მუშითია,
ირფელც მუში რინა ოკო,ირფელც უღუ მუში თია.

თუთა ირო ინმაგვაგვუ,ბჟა თოლეფო ქალმარსხია,
ლილუ ჩქიჩქუ სო მიმოტეს,ჩილამურალ ალაფრსხია.

ცა შურეფით გოფერელე,ბირგულ უშქუ არძა გვალას,
ჩხომიშ უდე ქიდიპტე დო,შარას გეპუნქ გუნავალას.

ხუმბაბა დო ნანინგირა, თიამათი დო თი ნანა,
სქან ნაჯინჯა ეთექი რე,ჭვემეფ ალმოფურცქინანა.

მასქურცალო ინმაქაქალ,მუთ თი ბორჯეფ მარჩქილენი,
ღურუ მუჟანს მიკიფსური,კათეფ ვა რდეს გორჩქინელი.

რინას ეკი ეკოუნცუ,მინ ტყობუ დო მა პუნქ მინჯე,
მა ვებჩინენქ,შურც ინომხე,მუდგარენი მაფურინჯე.

22/08/2014

ლაშა გვასალია-მალას


 მალას გეშაბჭოფე ოკო
სქანი ზორღაშფერი თოლი,
თუთას მიორსხუდე მოკო
მუჭო თორსაჭველსი ჭოლი...

დღას ვედგეთხუე, ქვექვე,
ჩელა, ჩე გოთანაშ ფერი,
სი რექ შურობუმუ ჟინ ცა
ჩქიმი თქუთქუბია ჭკვერი...

ეჰე, ოკონწყველე შარეფ,
ფურინ გაჭირებე ზესქვიშ,
კილოთ ქუდუჭყაფ ჭარას,
ჟინცას სისმარცალო მესქვილს...

ქუმორთ პატონეფო რჩქინელ,
ღურშე რტებულო დო ჭყოლირ,
თუთაშ მუკნასოფა თოლით
გითოლენდირი დო თოლირ...

მალას გეშაბჭოფე ოკო
სქანი ზორღაშფერი თოლი!..

28/07/2014

ლაშა გვასალია-ღურას (პოეტ შუკო ჯიქიას)

ტანს დაჩხერიშ გენიეფი გუმორე,
ჭყალაშ გეშა საცოდებათ ეფუნელ,
ღურას ქომწით – სამენცარო მუორე,
ვარდა ცას მუშენიე მებუნელ,
რინაში დო ურინჯობაშ არიკეფ,
ზორღაშ ქვინჯშე კუმაცალო მოფურკელ,
მუს დარკენა ჭკოლეფი დო ბადიდეფ
ჭარას რგებულს, კიონტიათ მოფურნელს...

ვერე თოლს ვეიორზანს გოთანა,
ვაძირაფე ფურცელუაშ ჭვიეფი,
ტყვიას ირო ჭკვერს დო მენცარს ოოთანა,
ღურუს ხოლო ოსაჭირუ ჯგირეფი...

თე ცარიელ შურობუმუ, ბაბაგე,
ჭინკეფითუ ეფშაფე დო ძინელე,
დუს მახოლო მემიჩქ მალას წავაგე–
ლერს დოსქიდუ მართალი დო რჩქინელი...

ვა მორხინილ ყოყორეფიშ დანტირუს
თოლოსქვამე ოროფაში ვენტირე,
მოკო ჟინცას ნირსიცალო ვახოლე,
მუბღოლუა, გოლვაფირო, მა ხვალე
უხატე დო მეტყურიე ჭარასუ...
ღურას ქომწით სამენცარო მუორე,
შურ მუშენრე ცაშ კორკონტის რსხინელი?!

18/07/2014

ლაშა გვასალია-ჩხაია

ღორონთეფიშ ნინა უჩქუ
გვალაშ კიდირს მირსიოლუ,
სისმარ გეუძ ხეშკა გურშა,
ფინქრეფიში ნირსი ორუ...
ჩხან–ჩხაია, ჩხანაშ ზესქვი,
მიბორბოლ დო მიხვარჩალუ,
თეშ მეჯინუ ლერსიშ მონწე
ეშმაკეფიშ ჭყანას ფჩალუ!..
ჟიშე ბურბულ მუნმაქანჩუ,
თუდო გვართაშ ბორბოლია,
ქირქეშ ჸაშე მუკნათოლა –
ქვარაგიდალ ხორხოლია...
ჯამპიშ ჩვაჩვა ნაწვანჯერი
მალაღურიშ ფსუაშ ფერი,
ფუცუცხამიშ ნაჭყილონტა –
ჭარჭულია, ჭერჭე გვერი...
თეშ მეჯინუ ლერსიშ მონწე
სისმარსუ დო ღურუს ფჩალუ,
ჩქიმ ჩხაია,ჩხორო ჩარჩხვა –
მიბორბოლ დო მიხვარჩალუ!..

15/07/2014

ივეტა წითაშვილი-მაჯუდ პუხათ ქეშაპონე დიხას,

მაჯუდ პუხათ ქეშაპონე დიხას,
კარაკუნჩხას ქოუპირუ ჭითათ,
მორიალეს, მოროშ გამნარყ, რინტალს
ლეკუხაშა ქინთუტყობინ, ქინგარს,
ჯი აკულებ, აშო ვარწყე გიმალს,
ვაიჭარექ, წამალ მუჭო დიკაკ,
წვანდშა თიზმა იკეკ, თიზმა იხვანც,
აცანცალუ ასე კუდელ რიალ,
ლეკუხაშ აქ ფურცელ ქუდარღ ჭიფას
მორიალეშ სიცოდილით, ჯინათ,
მითინ ვარე, არძა მიკმალ-დიკმალ,
მით რენ, ქურსით მინოლაფას ინჭანს,
ჩხანაქ ჩხორეფ აკოკორობ რჯღიმალქ,
ნაკორობას გართანს, კართას იბშანს,
მორიალეს ქაშუ შარაქ გიმალქ,
ჩხორო ჭუა ჩხორო გვალას ქიმკარღ,
გურს აცხვანტალ ხიოლ სარკო, რცხიმალ,
ლეკუხაშ ას მუთოტყობუ ტიბას,
მაჯუდ პუხა ქოხუტოლუ დიხას,
კარაკუნჩხას პეულ გაფაფ ჭითათ,
მორიალე, მოროშ გამნარყ, რინტალ

კინ ირანტალ, ვაუბაღ, მუთ მიკაბ.

05/07/2014

ეს ყველამ უნდა წაიკითხოს!

http://azrebi.ge/index.php?pid=1087

„ფუტკარაძის სინდრომი“ და ინტელექტუალური შაჰიდიზმი ქართულ მეცნიერებაში

01/07/2014

ივეტა წითაშვილი-ნუზუ

ნუზუ მუჭო ურზუ,
ქარბორიას უთურს,
მიჸორქია უწუ, _ 
სხუნუნს,
სხუნუნს,
სხუნუნს...
ჯღარ ნოჸელეფ ქუდურღ,
ჸალს ათასკუ, ჯუნუნს,
ანდა ფირქიქ ქუცუ, _
უკულ,
უკულ,
უკულ...
ცას ჭვემა მაბ პუხუს,
მუთ ვარდ ართათ ქუმურს,
ხიოლს გური ჸურუ,
ფულუნს,
ფულუნს,
ფულუნს,
ორაგადე მუთ რდუ
ვარაგადე მუთუნს,
ცაქ ბჟას ჩხორეფ რზუფულ,
ქუმწურღ,
ქუმწურღ,
ქუმწურღ,
ჸოროფა რე ჭურჭულ
უთებუ დო ჸურმულ,
ურა ცხენეფს შურშურ
ურულ,
ურულ,
ურულ,
ქარბორია უთურ,
მიკახორცხუ ნუზუს,
ნუზუ თაში ურზუ,
უსხუნ,
უსხუნ,
უსხუნ...

16/05/2014

ზაალ ჯალაღონია-ბორკმოლაფირი

მარგალ მოგენც ამდღა,
ბორკმოლაფირ ქვინჯეს,
მუშ ვაპალუ ანჯა,
დუდიშ ვერგუ მინჯეთ.
ნანაშ ნინა ვაკო,
წუმოკინა, ძინა.
მუს მოუღანც,ვამიჩქ,
ხეჭკურელო ჯინა.

თიზმა მილუჭკომეს,

შხან,კოლო დო ხინა,
გაჭყოლიდეს იშო,
მუშ გემუან ნინა,
მუ ღოლუას ჩქჩქ
ბოშ,ბაღანა,ცირაქ,
,,ვემედინა სქუა
ვაწეონა ნინა,''
ურაგად მასქერ,
თის შუ ეკნაჩინა.

მუთუნ ვაუღ დორხველჲ,

მუჭო გოკო სქუა
ხვამელ რდას დო ირდას,
გაქთოუჭკირ ყორყელჲ,
დიდას ვილუნცჷ, დიდას!

16/04/2014

ლაშა გვასალია-ჭარაშ გეშა ერჩქინელი

ტორონჯეფი ღუმინუნა
ერქემს მასქურ გალააფუ,
ღურღშე ეფურნელი ზესქვი
ნირსის მუკი- მუკი გართუ...

ორთა მუშო ფურცქინუნსი
კონკას ლური მენჭაფილი,
სქურიცალო იკარკალუ
ლერს ჟინცაშა მეჭარილი...

რინაშ სქიბუს გართუ ანზრი
ვარვალეფშე ეფალირი,
ღურუცალო უშულადუ
ჭუაცალო ელაფირი...


ჭარაშ გეშა რჩქინელ ლერსი
შურ დო სიტყვაშ მათხილარი,
ღორონთეფიშ თოლიშ სინთე
ჩქიმი თელო მავილარი!



1.ერქემი- აფრა


2.ღურღილი - შაბნარი


3.ორთა- ბუნება


4.კონკა- მწვერვალი


5.ვირვილი - უდაბნო.

19/01/2014

შოთა ნიშნიანიძე-სო რე აკადემია?

ვივა აკადემია,
ვივა პროფესორე,
სო რე აკადემია?
პროფესორეფ სო რე?!

04/12/2013

ვახტანგ ხარჩილავა-არძაშ უმოს უბედური.

არძაშ უმოს უბედური
ამდღა
იშენ მარგალი რე,
გიყურებ და კვდება გული, გიჯინექ დო მანგარინე.
ვაგმაგინ: მაფშალია,
ვის უხმობს და ვისთვის გალობს.
დაღლილი და დამშვრალია, ჩქიმი სქვამი სამარგალო.
ლაზი რე დო, ჭანი რე დო, არძა ართო მარგალი რე. ჭირში ვინ გყავს საიმედოდ? რხინც ირკოჩი მანგარინე.
მუში დუდიშ უბედური,
ამდღა იშენი მარგალი რე,
გიყურებ და კვდება გული, გიჯინექ დო მანგარინე.

03/12/2013

ჩქიმი ნინა მარგალური,ბათუმელი ბლოგერის შესანიშნავი სტატია!

წაიკითხეთ,არ ინანებთ!
http://mollybloomsday.com/2013/12/01/chqim-margalur-nina/

ოჯახური ლეგენდის თანახმად, სამი წლისას, სოფლიდან დაბრუნებულს, გაკვირვებით მითქვამს – მამა სულ მთლად გარუსებულა, რუსულად ლაპარაკობს-მეთქი.
რა მექნა, პატარა ვიყავი მაშინ, ქართულის გარდა მხოლოდ რუსულის არსებობა ვიცოდი და ის ენა, მამა, ბებიები და მეზობლები რომ ლაპარაკობდნენ, ქართულს ვერაფრით მივამსგავსე.
ცხადია, მაშინვე ამიხსნეს, რომ ეს რუსული კი არა, მეგრული იყო – ჩემი მეორე მშობლიური ენა, რომელსაც აუცილებლად ვისწავლიდი.
მაგრამ დაპირება დაპირებად დარჩა. შინ ქართულად ვსაუბრობდით, ბათუმში, გასაგები მიზეზების გამო, დიდი პრაქტიკა ვერ მექნებოდა და სამეგრელოში გატარებული ზაფხულის არდადეგები მაინცდამაინც ვერ შველოდა საქმეს. თუმცა სისხლის ყივილს დროდადრო, ეტყობა, მაინც ვგრძნობდი და მუსიკალურის მეორე თუ მესამე კლასში, კონცერტზე, “ცირას” განსაკუთრებული გზნებით ვუკრავდი.
მერე, თინეიჯერობისას, როგორც ხდება ხოლმე, მეამბოხე სულმა და თვითდამკვიდრებისთვის ბრძოლამ თავისი გაიტანა და მშობლებს კატეგორიული უარი განვუცხადე მეგრულის სწავლაზე  – ქართულიც მეყოფა-მეთქი.
დღემდე ასეთი უვიცი ვარ – მეგრელი, რომელიც მეგრულად ვერ ლაპარაკობს.
არა, გაქცეულ მეგრელს კი მოვაბრუნებ, მაგრამ… მეგრული თუ იციო, რომ მკითხავენ, უხერხულად ვიწურები და თავის მართლებას ვიწყებ.
ჰოდა, საშინლად მეხარბება იმათი, მამა-პაპის ენა რომ არ დაუკარგავთ. რაღა შორს წავიდე – აქვე, მეზობლადაც არიან, ბლოგოსფეროში: მალინა, ერთიმეორეზე ლამაზლექსებს რომ თარგმნის და რუსო – ამ პოსტის კონსულტანტი, თავანკარა მეგრულით მოსაუბრე ინგლისური ფილოლოგიის პროფესორი.
კარგად მახსოვს, რა ალიაქოთი მოჰყვა ვიკიპედიაში მეგრული ფურცლების გაჩენას. არიქა, პარალელურ  ენას ამკვიდრებენ, ქართველობას გვართმევენო – იმ დღეებში მოსმენილი ყველაზე უწყინარი სისულელე, ალბათ, ეს იყო. სეპარატიზმზე კივილს და ამგვარ ნაბოდვარს აღარ გავიმეორებ – ბლოგიც მიყვარს და მკითხველსაც დიდ პატივს ვცემ.
ქართველობის ჩემთვის გაუგებარი საფრთხისგან დამცველებს თუ შემოუცდათ ფეხი, იქნებ დალაგებულად ამიხსნან, რა საფრთხეს უქადის მეგრული ენის პოპულარიზაცია სახელმწიფოს ერთიანობას – მადლობელი დავრჩები
ფეისბუქზეც ცდილობს რამდენიმე ჯგუფი მეგრულის გავრცელებას – ლექსებს დებენ, სიმღერებს, თარგმანებს… იქაც არ ასვენებენ და ბრიყვული კომენტარებით იკლებენ.
თუმცა  ბრიყვული კომენტარი რა გასაკვირია, როცა ორდიპლომიანი ხალხი სრული სერიოზულობით მსჯელობს “ნამდვილ თბილისელებსა” და “ჩამოსულებზე” და მეგრულ აქცენტს ნაკლად მიიჩნევს…
ვკითხულობ და ვამჩნევ – საპროტესტო ნოტები გამოერია პოსტს, აი, ისეთი, მოქალაქე ბლუმს რომ მოუხდებოდა. არადა, ღმერთი, რჯული, სულ სხვა რამის თქმას ვაპირებდი.
ალბათ, იმისას, რომ მეგრული ჟღურტულის გაგონებაზე გული მინათდება, უცრემლოდ ვერ ვუსმენ “ჩელას” და დღესაც მახსოვს ლექსი, ბებია რომ მიკითხავდა ოდიშში: “ბჟა დიდა რე ჩქიმი, თუთა – მუმა ჩქიმი…”
თხუთმეტი წლის მოლის ეს პოსტი რომ წაეკითხა, ჯერ, ალბათ, თვალებს არ დაუჯერებდა, მერე ტუჩს აიბზუებდა და მწარე კომენტარებსაც არ დაიშურებდა, მაგრამ ამ სიბერეში შემიძლია გულზე ხელი დავიდო და ისე გითხრათ: ცოტა რამეს თუ ვნანობ მთელი გულით და ერთი ის არის, რომ მეგრული არ ვისწავლე თავის დროზე და ვერც ჩემს შვილიშვილს ვასწავლი…

24/11/2013

ლაშა გვასალია-ლუკაცალო კორინელი

ათე ჭველეფ - ტყაშ კოჩეფი
ხობწყარს ფინქრო გართუნანი,
ნეტე თინა ქარჩქინანი
ფსუას მუშენ ჭორთუნანი?..

მუქ მიონეს შქველარაშე
ოროფათი ფურინელი,
ღურა დღაშა ოკართალო
ლუკაცალო კორინელი...

ცას კოღონა მიკმაღურუ
ზუმინით დო ცარკალით,
თუთას წყარშა გენურთუმუ
დალუაფშე ცაშ კარით...

თოლონჭაფუს სერი მაბუ
წკურუმია უჩა სერი,
ყურანსუ დო ღირინუნს
შკირენულო გვალას გერი...

ოკუმოლშე მიღირკოლუ
ჩე დო უჩა კუმაშ თოლი,
რსიოლია ოდაბადე
გოლვაფირო, სკანო ბგორი...

არკვანს დემი ეშაჯანუ
ეკოფშაფილი თუთაშ ნერი,
მასკურ ჯალებს გარსიოლუ
ართო ხანგა, ართო შერი...

მუს ვაძირუ თაკარელო
გობარჩხალერ დალიასი,
თუთას ჩხანა ეკოთხოზუ
მურიცხეფი გარკიანსი...

შარა შურსი მიკობონდღუ
უღურალო ერჩქინელი,
მუ ნჯარეფი ემირცხონუ
ჭველაქ დიშკათ მერჩქინელქი...

გორდის ბორკეფ მოურხინუ
ოჭკადურეშ აბარწას,
ხოჯ ჭკადილო საქვარეფსი
ოხვამალო ოკვანწანს...

ჟინღორონთიშ ოკნანწყუა,
ოროფათი ფურინელი,
ოხვამეში ოკართეშე
ლუკაცალო კორინელი!...